( गुहागर / प्रतिनिधी )
गुहागर तालुक्यातील त्रिशुळसाखरी गावातील सुपुत्र सुदेश (बापू) जनार्दन जाधव हा सोनी मराठी वाहिनीवरील “जिवाची होतिया काहिली’ या मालिकेत महत्त्वाच्या भूमिकेत दिसणार आहे. घरातून कलेचा कोणत्याही प्रकारचा वारसा नसताना तो या क्षेत्रात पुढे जात आहे. आंतरमहाविद्यालयीन स्पर्धांमध्ये अभिनय, गायन, वादन, लेखन अशा विविध स्पर्धामध्ये त्याने सहभाग घेतला आहे.
अस्मिता, लक्ष्य, भेटी लागे जीवा, प्रेम पॉयझन पंगा आणि नुकतीच प्रसारित झालेली गाथा नवनाथांची अशा विविध मालिकांमध्ये त्याला छोटेखानी भूमिका साकारायला मिळाल्या. नुकताच चित्रिकरण झालेला गोंधळ या मराठी चित्रपटातसुद्धा त्याने भूमिका केली आहे.
