(लांजा/प्रतिनिधी)
जवाहर नवोदय विद्यालय प्रवेश परीक्षेत लांजा तालुक्यातील वाकेड येथील भावेश वसंत वाडेकर या विद्यार्थ्याने सुयश संपादन करुन त्याची निवड झाल्याबद्दल राष्ट्रीय रविदास परिषद लांजा तालुक्याच्यावतीने त्याचा सत्कार करून पुढील वाटचालीस शुभेच्छा देण्यात आल्या.
राष्ट्रीय रविदास परिषद लांजा तालुका यांच्यावतीने भावेश वाडेकर याचा सत्कार समारंभ त्याच्या राहत्या घरी वाकेड येथे आयोजित करण्यात आला होता. या सत्कार समारंभाला राष्ट्रीय रविदास परिषद कोकण विभागाचे अध्यक्ष एस. व्ही. कदम, लांजा तालुका अध्यक्ष भिकाजी चव्हाण, उपाध्यक्ष प्रकाश गवाणकर, अमरदीप चव्हाण सचिव प्रदीप चव्हाण, सह सचिव ऋषिकेश चव्हाण, कार्याध्यक्ष अरुण वाडेकर, सल्लागार मंगेश जाधव, दीपक चव्हाण प्रकाश जाधव, सदस्य आणि वाकेड येथील रविदास मंडळाचे पदाधिकारी, जि प प्रा. मराठी शाळा वाकेड क्रमांक १ चे मुख्याध्यापक संजय डंबे उपस्थित होते. भावेश याला शेंडगे यांनी मार्गदर्शन केले.
या कार्यक्रमा प्रसंगी एस. व्ही. कदम, मंगेश जाधव यांनी आपले मनोगत व्यक्त केले व समाजातील इतर मुलांनीही शैक्षणिक क्षेत्रात आपले व आपल्या आई-वडीलांचे नाव लौकिक करावे असे प्रतिपादन केले. त्यानंतर जवाहर नवोदय विद्यालय प्रवेश परिक्षेत यश प्राप्त करणाऱ्या भावेश वसंत वाडेकर या विद्यार्थ्याचा पालकांसह शाल, पुष्फगुच्छ देऊन सत्कार करण्यात आला.
फोटो – भावेश वाडेकर याचा सत्कार करताना राष्ट्रीय रविदास परिषदेचे लांजा तालुक्यातील पदाधिकारी व सदस्य.
