(खेड/इक्बाल जमादार)
मुंबई-गोवा महामार्गावरील कशेडी घाटातील धामणदेवी येथे कार आणि टँकर यांच्यात झालेल्या अपघातात 2 जण जखमी झाले असून 1 गंभीर जखमी झाला आहे. हा अपघात रविवार 10 जुलै रोजी सायंकाळच्या सुमारास झाला.
पोलिसांनी दिलेल्या माहितीनुसार, टँकर चालक सुनील चौरसिया (30, मूळ उत्तरप्रदेश) हा आपल्या ताब्यातील टँकर घेवून कशेडी घाटाच्या दिशेने निघाला होता. यावेळी मुंबईच्या दिशेने जाणार्‍या झायलो कारला चौरसिया याने विरुध्द दिशेला जावून धडक दिली. या अपघातात झायलो कारमधील अभिषेक शिवराज करमळकर (शिवडी, मुंबई) हे गंभीर जखमी झाले. तसेच संदेश पडवळ (शिवडी, मुंबई), शारदा मटकर (डोंबिवली, ठाणे) या किरकोळ जखमी झाल्या. त्यांना उपचारासाठी रुग्णालयात दाखल करण्यात आले.
