( खेड / प्रतिनिधी )
मुंबई-गोवा महामार्गावर मोठी वाहतूक कोंडी झाली आहे. मुंबई- गोवा महामार्गावर परशुराम घाट बंद असल्यामुळे ही वाहतूक कोंडी झाली आहे.परशुराम घाट बंद असल्याने अवजड वाहनांच्या वाहतुकीला मोठा फटका बसला आहे.
कोकण भागात मुसळधार पाऊस सुरू आहे. केंद्रीय हवामान खात्याकडून अतिवृष्टीच्या इशारा राज्य सरकारला देण्यात आला आहे. तर रत्नागिरी आणि सिंधुदुर्ग जिल्ह्याला आठ जुलैपर्यंत रेड अलर्ड जारी करण्यात आला असून मुसळधार पाऊस सुरू आहे.यातच मुंबई-गोवा महामार्गावर मोठी वाहतूक कोंडी झाली असल्याची माहिती मिळाली आहे. मुंबई- गोवा महामार्गावर परशुराम घाट बंद असल्यामुळे ही वाहतूक कोंडी झाली आहे. वाहनांच्या लांबच- लांब रांगा लागल्या आहेत.
सुरक्षेच्या दृष्टीने नऊ जुलैपर्यंत परशुराम घाट बंद करण्यात आला आहे. त्यामुळे वाहनांना मोठा वळसा घालून जावे लागत आहे. यामुळे अवजड वाहनांच्या कित्येक किलोमीटरच्या मोठ्या रांगा लागल्या आहे. हलक्या प्रवासी वाहनांची वाहतूक चिरणी आंबडस मार्गे सुरू असून परशुराम घाट बंद असल्याने अवजड वाहनांच्या वाहतुकीला मोठा फटका बसला आहे.
