(रायगड/प्रतिनिधी)
रायगडमधील माणगाव तालुक्यातील तिलोरे येथे मुंबई गोवा महामार्गावर टेम्पो ट्रँव्हलर व कार यांच्यात झालेल्या अपघातात 1 ठार, 2 गंभीर जखमी झाल्याची माहिती समोर आली आहे. ही घटना सोमवारी मध्यरात्री 1.30 वाजण्याच्या सुमारास घडली.
पोलिसांनी दिलेल्या माहिती वरुण अक्षय घोले (रा. वणौशी, ता. दापोली) हा आपल्या ताब्यातील टेम्पो ट्रॅव्हलर घेऊन महामार्गावरुन मुंबईच्या दिशेने प्रवास करत होता. यावेळी मुंबईहुन येणार्‍या वॅगनर कारने टेम्पो ट्रॅव्हलरला जोरदार धडक दिली. यामध्ये कार चालक गंभीर जखमी झाला. तर कारमध्ये मागे बसलेले शशिकांत पांडुरंग पांचाळ यांचा मृत्यू झाला. त्यांच्या बाजूला बसलेल्या साधना मेस्त्री यांनाही दुखापती झाल्या.
उपचारासाठी साधना व कार चालक याना रुग्णालयात दाखल करण्यात आले होते. पोलिसांनी कार चालक सुरेश परब (रा. मालाड, मुंबई) याच्यावर गुन्हा दाखल केला आहे.
