रत्नागिरी जिल्ह्यातील कोरोना टेस्टींग वाढल्याने सद्य स्थितीत असणाऱ्या एकमेव आरटीपीसीआर लॅबवर प्रचंड ताण पडत होता. यामुळे स्वाब टेस्ट साठी पाच ते सहा दिवस लागत होते. राज्याचे उच्च व तंत्रशिक्षणमंत्री उदय सामंत व खासदार विनायक राऊत यांनी हि बाब मुख्यमंत्री उद्धव ठाकरे यांच्या निदर्शनास आणून देताच मुख्यमंत्र्यांनी रत्नागिरी जिल्ह्यासाठी मोबाईल आरटीपीसीआर लॅब उपलब्ध करून दिली आहे.
हि लॅब चिपळूण येथून कार्यन्वित असणार असून याद्वारे दिवसाला २००० स्वाब तपासण्यात येणार असल्याची माहिती खा. विनायक राऊत यांनी दिली आहे. आज आयसीएमआर कडून मान्याता मिळताच हि लॅब उद्यापासून सुरु होणार आहे. यामुळे स्वाब तपासणीची क्षमता वाढून ४००० इतकी होणार असल्याने अवघ्या २४ तासात तपासणी अहवाल प्राप्त होणार आहे.
