(संगलट-खेड/इक्बाल जमादार)
धनगर समाजाचे आराध्यदैवत, संपूर्ण भारतात हिंदू संस्कृतीच्या जिर्णोध्दार कर्त्या,बराजमाता पुण्यश्लोक अहिल्यादेवी होळकर यांच्या 297 जयंती महोत्सवाचे आयोजन सामाजिक संघटना महाराष्ट्र कोकण धनगर विकास मंडळ, मुंबई यांच्या अधिपत्याखाली खेडमध्ये दिनांक 31 मे रोजी सकाळी 10 ते 12 या वेळेत करण्यात आले आहे.
खेड तालुक्यातील सर्व समाज बांधव/भगिनी, विविध सामाजिक संघटनेचे पदाधिकारी, शासकीय अधिकारी/कर्मचारी यांनी बहुसंख्येने आपल्या दैवताला वंदन करण्यासाठी कार्यक्रमाला वेळेवर उपस्थित राहून कार्यक्रमाची शोभा वाढविण्यास सहकार्य करावे असे जाहीर आवाहन महाराष्ट्र कोकण धनगर विकास मंडळ, मुंबई या मंडळाचे सचिव गणपत गोरे यांच्यावतीने करण्यात आले आहे.
सदर कार्यक्रमाचे ठिकाण समाज भवन कार्यालय, मु.पो.भरणे, गवळवाडी, रिलायन्स पेट्रोल पंपासमोर, ता. खेड, जि. रत्नागिरी येथे असल्याचे आयोजकांनी कळविले आहे.
