(दापोली)
कृषि महाविद्यालय, दापोली अंतर्गत विद्यार्थ्यांनी स्थापन केलेल्या उत्कर्ष कोकण सेवा संघाचा 24 वा वर्धापन दिन 15 ऑगस्ट 2024 रोजी विस्तार शिक्षण विभागाच्या सभागृहामध्ये आयोजित करण्यात आला होता. या कार्यक्रमाला प्रमुख पाहुणा म्हणून उपस्थित राहून विद्यार्थ्यांना मार्गदर्शन करण्याची संधी मिळाली. कार्यक्रमाच्या अध्यक्षस्थानी कृषि महाविद्यालय, दापोलीचे सहयोगी अधिष्ठाता मा. डॉ. मकरंद जोशी होते, त्यांनी अध्यक्षीय मार्गदर्शन केले.
कार्यक्रमाची सुरुवात दीप प्रज्वलनाने आणि सरस्वती पूजनाने करण्यात आली. प्रास्ताविक पार्थ पाटील याने केले. याप्रसंगी मिहीर जाधव याने संघाने गतवर्षी केलेल्या कामाचा आढावा घेतला. शेवटी सर्वेश सावंत यांनी आभार मानले.
कार्यक्रमाचे सूत्रसंचालन संचालन श्रद्धा सावंत आणि दिक्षा चव्हाण यांनी केले.
या कार्यक्रमाला डॉ. विजय मोरे, डॉ. दीपक मळवे, डॉ. वैभव राजे महाडिक, डॉ. सुमेध थोरात, डॉ. महेश कुलकर्णी, डॉ. मोहित शिंदे हे प्राध्यापक उपस्थित होते. या कार्यक्रमाचे आयोजन संघांचे अध्यक्ष चिन्मय पालव, उपाध्यक्ष चंद्रशेखर राठोड, सचिव वैभव सिनकर, प्रणव देसाई, अथर्व साळवी यांच्या नेतृत्वाखाली करण्यात आले होते.
