(मुंबई)
फेब्रुवारी महिन्यात पारा ४० पर्यंत पोहोचला होता. त्यामुळे यावर्षी सरासरीहून अधिक कडक उन्हाळा असण्याची शक्यता वर्तवण्यात आली आहे. मात्र उन्हाळा सुरु होण्याच्या आधी राज्यात पावसाचे आगमन होणार आहे. होळीच्या आधी दिवस महाराष्ट्रात पावसाची शक्यता हवामान विभागाने वर्तवली आहे. मार्च ते मे महिन्यात तापमानाचा पारा उच्चांक गाठेल, असा अंदाज हवामान विभागाने वर्तवला होता. त्यातच आता हवामान विभागाने राज्यात तीन दिवस पावसाची शक्यता वर्तवली आहे. ४ मार्च ते ६ मार्च या दरम्यान महाराष्ट्रातील काही भागात पावसाच्या सरी कोसळ्याची शक्यता आहे.
कमी दाबाचे क्षेत्र तयार होत असल्यानं राज्यात पावसाचा अंदाज वर्तवण्यात आला आहे. उत्तर महाराष्ट्र, मराठवाड्यातील काही ठिकाणी, उत्तर कोकण आणि विदर्भात पावसाचा अंदाज वर्तवला आहे. तर पाच मार्च रोजी नागपूर, वर्धा, चंद्रपूर, अमरावती, अकोला आणि बुलढाण्यात तुरळक ठिकाणी पाऊस पडू शकतो. उत्तर कोकणात देखील पावसाची शक्यता कायम आहे. मात्र अतिशय तुरळक पावसाचा अंदाज मुंबई प्रादेशिक हवामान केंद्राकडून व्यक्त करण्यात आला आहे. औरंगाबादेत देखील तुरळक ठिकाणी पावसाची शक्यता वर्तवण्यात आली आहे.
2 Feb:
Under influence of a N-S trough in lower level:🔸Isolated light ☔️rainfall is likely over North #Maharashtra ,south MP & Gujarat during 4-6 March.
🔸Isol light/mod thunderstorm activity likely over West MP on 4-5; over East MP on 5-6 & over #Vidarbha on 6 Mar.
– IMD pic.twitter.com/X27Ypvs4OZ
— K S Hosalikar (@Hosalikar_KS) March 2, 2023
त्याचबरोबर हवामान विभागाने अंदाज व्यक्त केला आहे की, मार्च ते मे महिन्यात महाराष्ट्रात कडक उन्हाळा असणारा आहे. महाराष्ट्रात अनेक ठिकाणी उष्णतेची लाट येणार असल्याचा अंदाज असून सरासरी तापमान ४० अंशाहून अधिक असण्याची शक्यता आहे. विदर्भात उष्णतेची लाट येण्याचा अंदाज आहे.
