(रत्नागिरी)
पाकिस्तानचे उद्दाम परराष्ट्र मंत्र्यांनी न्यूयॉर्कमध्ये पत्रकार परिषदेत हिंदुस्थानचे पंतप्रधान आणि जागतिक प्रभावी नेते नरेंद्रजी मोदी यांचे संदर्भात अवमानकारक उद्गार काढले. हिंदुस्थानच्या पंतप्रधानांबद्दल कंगाल पाकिस्तानच्या मंत्र्यांचे हे आक्षेपार्ह निंदनीय वक्तव्य हिंदुस्थानची जनता कदापि सहन करणार नाही. हा संदेश देत भा.ज.पा रत्नागिरीने बिलावल भुट्टो यांच्या विरोधात, पाकिस्तानच्या विरोधात घोषणाबाजी केली. बिलावल भुट्टो यांच्या प्रतिकात्मक पुतळ्याला चपला मारल्या. बिलावल भुट्टो यांचे फोटो जाळले. पाकिस्तानच्या निंदनीय वर्तनाचा धिक्कार केला.
नरेंद्रजी मोदी यांचे नेतृत्व अत्यंत प्रभावशाली आहे. त्यांना जगतमान्यता मिळत आहे. भारताचे प्रतिनिधित्व करताना नरेंद्रजी मोदी यांनी वेगळा दबदबा निर्माण केला आहे. भारताची सर्वांगीण प्रगती मोदी यांच्या नेतृत्वाखालील शासनाने प्रभावीपणे केली आहे. जागतिक स्तरावर हिंदुस्थान अत्यंत प्रभावशाली अर्थव्यवस्था उभी करण्यात यशस्वी झाला आहे. जागतिक ताकदवार राष्ट्र म्हणून हिंदुस्थानची प्रतिमा मोदीजींच्या नेतृत्वाखाली विकसित झाली आहे. १३५ कोटी जनतेचे प्रतिनिधी म्हणून काम करणाऱ्या नेतृत्वाची अवहेलना हिंदुस्थानची जनता खपवून घेणार नाही. ज्या राष्ट्रीय स्वयंसेवक संघाच्या मुषीतून मोदीजींचे व्यक्तिमत्व विकसित झाले. स्वयंसेवक संघाच्या विचारधारेत जो पक्ष वाढला, सत्तेत स्थानापन्न झाला. तो पक्ष स्वयंसेवक संघाविरुद्ध पाकिस्तानी परराष्ट्र मंत्र्यांच्या वक्तव्याचा ही जोरदार निषेध करत आहे. धर्मांध पद्धतीने काम करणाऱ्या देशविघातक शक्तींचा हिंदुस्थान सदैव प्रतिकार करून असल्या अपप्रवृत्तीचे समूळ उच्चाटन करणे हेच ध्येय राहील अशी प्रखर प्रतिक्रिया भा.ज.पा जिल्हाध्यक्ष ॲड. दीपक पटवर्धन यांनी व्यक्त केली.
पाकिस्तानचे परराष्ट्रमंत्री बिलावल भुट्टो यांनी न्यूयॉर्कमध्ये केलेल्या अवमानकारक टिप्पणीचा जाहीर निषेध करण्यासाठी देशभराप्रमाणे रत्नागिरी मध्येही भा.ज.पा.चे निषेध आंदोलन केले. या आंदोलनात भा.ज.पा जिल्हाध्यक्ष ॲड. दीपक पटवर्धन यांचे सह श्री मुन्ना चवंडे, श्री. सचिन करमरकर, श्री.प्रमोद खेडेकर, श्री.राजू तोडणकर, श्री.दादा ढेकणे, श्री.विक्रम जैन, श्री. समीर दळी, सौ. वर्षा ढेकणे, श्री.ओमकार फडके, श्री.शैलेश बेंद्रे, सौ.शरयू गोताड, श्री.प्रवीण देसाई, श्री. शेखर लेले, श्री.बाबू पेडणेकर, श्री.राकेश भाटकर, श्री.राजन पटवर्धन इ. उपस्थित होते.
