हिंदी चित्रपट “अजब तमाशा” उद्या प्रदर्शित होणार

(लांजा / वार्ताहर)

लांजातील रुबीन मुजावर व मुस्कान मुजावर यांची महत्त्वाची भूमिका असलेला हिंदी चित्रपट अजब तमाशा उद्या ३ नोव्हेंबर रोजी संपूर्ण भारतात प्रदर्शित होत आहे. निर्माते ए आर एंटरटेनमेंटस अमित कुमार अग्रवाल व नईम अहमद दिग्दर्शित या चित्रपटात मुख्य कलाकार प्रसिद्ध कॉमेडियन अकबरबिन तबर, मुस्कान मुजावर, रितिक शर्मा, तनुजा ठाकूर, रुबीन मुजावर, अमित अग्रवाल, साजिद शेख, नरेंद्र आणि समर शुक्ला आहेत.

हा चित्रपट कॉमेडी सस्पेन्स असणार आहे. उद्या तीन नोव्हेंबर रोजी मुंबई व हैदराबाद या ठिकाणी या चित्रपटाचे प्रीमियर शो होणार आहेत. या प्रीमियर शोला जॉनी लिव्हर, गुल्लू दादा तसेच इतर बॉलीवूड स्टार उपस्थित राहणार आहेत हा चित्रपट मुंबई पुणे कोल्हापूर नांदेड नागपूर तसेच कर्नाटक, गुजरात, राजस्थान उत्तर प्रदेश, दिल्ली, बिहार या ठिकाणी प्रदर्शित होणार आहे.