( रत्नागिरी /प्रतिनिधी )
हातखंबा येथील श्री. स्वामी विवेकानंद शिक्षण संस्था कोल्हापूर संचलित गुरुवर्य देसाई माध्यमिक विद्यामंदिर व श्रीकांत उर्फ भाई शेठ मापुसकर कला, वाणिज्य संयुक्त कनिष्ठ महाविद्यालय हातखंबा येथे श्रीकांत उर्फ भाईशेठ मापुस्कर यांचा स्मृतिदिन साजरा करण्यात आला.
हातखंबा येथील दानशूर, शिक्षण प्रेमी स्वर्गीय श्रीकांत उर्फ भाईशेठ मापुस्कर यांचा स्मृतिदिन कार्यक्रम आयोजित करण्यात आला होता. प्रारंभी भाईशेठ मापुस्कर यांच्या प्रतिमेचे पूजन श्रीमती अश्विनी मापुस् कर यांच्या हस्ते करण्यात आले. स्वागत व प्रास्ताविक प्राचार्य श्री. व्ही. जी. परीट सर यांनी केले. मापुस्कर यांच्या आठवणींना उजाळा श्रीमती अश्विनी मापुसकर यांनी देऊन भाई शेठ यांच्या कार्याचा वसा यापुढेही आम्ही समर्थपणे चालवू असे प्रतिपादन त्यांनी केले.
कार्यक्रमाचे सूत्रसंचालन प्रा. सुभाष रानमाळे यांनी तर आभार श्री भीमसिंग गावित यांनी मानले कार्यक्रमास पाचवी ते बारावीचे सर्व विद्यार्थी-विद्यार्थिनी, ज्युनिअर कॉलेजचे सर्व प्राध्यापक, शिक्षक – शिक्षकेतर कर्मचारी उपस्थित होते.
