(रत्नागिरी)
तालुक्यातील हातखंबा येथील गुरुवर्य अ.आ. देसाई माध्यमिक विद्यामंदिर व श्रीकांत उर्फ भाईशेठ मापुस्कर कला वाणिज्य संयुक्त कनिष्ठ महाविद्यालयामध्ये श्री. स्वामी विवेकानंद जयंती सप्ताह समारोप कार्यक्रम संपन्न झाला. या कार्यक्रमाच्या सुरुवातीला श्री स्वामी विवेकानंद, शिक्षण महर्षी डॉक्टर बापूजी साळुंखे, संस्थामाता सुशिलादेवी साळुंखे यांच्या प्रतिमेला प्रमुख वक्त्या (प्राथमिक उपकेंद्र निवळी-समुदाय आरोग्य अधिकारी) सौ. सविता खंडागळे यांनी पुष्पहार अर्पण करून अभिवादन केले.
यावेळी सौ. खंडागळे यांनी विद्यार्थ्यांनी बुद्धी स्थिर ठेवून अभ्यास करावा. आपले आरोग्य चांगले ठेवण्यासाठी सकस आहार घ्यावा, तसेच वैद्यकीय क्षेत्रातील विविध संधी, अशा विविध मुद्द्यांवर भाष्य करून विद्यार्थ्यांना मार्गदर्शन केले. प्रारंभी प्रास्ताविक प्राचार्य श्री व्ही जी परीट सर यांनी तर परिचय प्रा. सुभाष रानमाळे यांनी केले. संपूर्ण कार्यक्रमाचे सूत्रसंचालन श्री. गावित यांनी केले. तर आभार प्रा. सौ. मनस्वी जाधव यांनी मानले. यावेळी शिक्षक, कर्मचारी, विद्यार्थी उपस्थित होते.
