हातखंबा तिठ्या नजिक दुचाकीची वृद्धाला धडक, दोन किरकोळ जखमी

(रत्नागिरी / प्रतिनिधी)

रत्नागिरी नागपूर मार्गावर हातखंबा तिठ्या नजिक (वेदांत बियर शॉपी समोर) दुचाकीच्या धडकेत पादचारी वृध्द जखमी झाल्याची घटना घडली. हा अपघात गुरुवारी (२ फेब्रुवारी २०२३) रात्री सव्वा सातच्या सुमारास घडला. या अपघातात दोनजण किरकोळ जखमी झाले आहेत.

शुभम होरंबे (वय १९, खेडशी) हा आपल्या ताब्यातील दुचाकीने हातखंबा ते रत्नागिरी असा जात होता. याचवेळी विलास फाळके ( वय 56, पानवळ) हे रस्ता क्रॉस करत असताना दुचाकीस्वाराने त्यांना धडक दिली. यामध्ये ते किरकोळ जखमी झाले.

या अपघाताची माहिती मिळताच काही मिनिटातच नरेंद्र महाराज रुग्णवाहिका दाखल झाली. रुग्णवाहीकेतून जखमी दोघांना उपचारांसाठी रत्नागिरी जिल्हा रुग्णालयात दाखल करण्यात आले आहे.