(रत्नागिरी)
नवनिर्माण महाविद्यालयाच्यावतीने घेण्यात आलेल्या स्कॉलर सर्च परीक्षेचे बक्षिस वितरण नुकतेच रत्नागिरीचे वरिष्ठ लेखाधिकारी प्रविंद बिरादार यांच्या हस्ते करण्यात आले.
दरवर्षी नवनिर्माण महाविद्यालयाच्यावतीने ही परीक्षा घेण्यात येते. रत्नागिरी, संगमेश्वर, राजापूर या तालुक्यातील दहावीच्या विद्यार्थ्यांसाठी स्पर्धा परीक्षेवर आधारीत ही परीक्षा घेण्यात येते. या परीक्षेचे हे पाचवे वर्ष होते. फेब्रुवारीमध्ये ही परीक्षा ऑनलाईन घेण्यात आली. ७५० विद्यार्थी परीक्षेसाठी प्रविष्ठ झाले होते.
या परीक्षेमध्ये श्रेया कदम (सेक्रेड हार्ट कॉन्व्हेंट रत्नागिरी), अमित पराग (पटवर्धन हायस्कूल) यांना प्रथम क्रमांक विभागून देण्यात आला. त्यांना प्रत्येकी रु. १ हजार व प्रशस्तीपत्रक देऊन गौरवण्यात आले. द्वितीय क्रमांक सानिका लिंगायत (फाटक हायस्कूल) हिला रोख रक्कम रु. एक हजार आणि प्रशस्तीपत्रक देऊन गौरविण्यात आले. तर तृतीय क्रमांकाचे बक्षिस नवनिर्माण हाय. मधील अनुश्री रविप्रकाश हिला ५०० रुपये रोख व प्रशस्तीपत्रक देण्यात आले. या कार्यक्रमाचे सूत्रसंचालन प्रा. सचिन टेकाळे यांनी केले.
