(सोलापूर)
सोलापूर जिल्ह्यात अक्कलकोट तालुक्यात वागदरी येथील ग्रामदैवत परमेश्वर महाराजांच्या यात्रेला एक दुर्घटना घडली आहे. या ठिकाणी परमेश्वर महाराजांची प्रसिद्ध यात्रा सुरू आहे. या यात्रेत अनेक कार्यक्रम उत्साहात सुरू आहेत. यासाठी आजूबाजूच्या दोन ते तीन गावातील ग्रामस्थ हजारोंच्या संख्येने या यात्रेत सहभागी झाले होते. या उत्सवात मिरवणूक रथ ओढणे हा महत्वाचा भाग मानला जातो. हा कार्यक्रम सुरू असतांना अचानक रथाचे दगडाचे एक चाक निखळले. या दगडी चाकाखाली आल्याने दोन नागरिकांचा मृत्यू झाला आहे. या दुर्घटनेत मृत्युमुखी पडलेल्या भाविकांची नावे संजय नंदे, गंगाराम गाडीवार अशी आहेत. देवाच्या रथाचे चाक निखळून दोघांचा मृत्यू झाला आहे.
रविवारी या ठिकाणी रथोस्तव सुरू होता. यासाठी आजू बाजूच्या गावांचे नागरिक जमले होते. दरम्यान यात्रेत रथ ओढत असताना या रथाचे सुमारे १ फूट रुंदी असलेल्या रथाचे गोलाकार दगडी चाकं अचानक निखळले. हे चाक भक्त संजय नंदे व गंगाराम गाडीवर यांच्या अंगावरून गेल्याने ते गंभीर जखमी झाले. त्यांना तातडीने ग्रामीण रुग्णालयात दाखल करण्यात आले. मात्र, उपचारापूर्वी त्यांचे निधन झाले.
दरम्यान, या घटनेमुळे यात्रेवर दुःखाचे सावट पसरले आहे. या प्रकाराने ग्रामस्थांनी वागदरी येथील परमेश्वर यात्रा उत्सवातील सर्व कार्यक्रम रद्द केले आहेत.
