(भोपाळ)
जबलपूरहून बंगळूरूला जाणाऱ्या सैन्य दलाच्या गाडीचा भीषण अपघात झाला.पाठीमागून आलेल्या एका खासगी टँकरने सैन्य दलाच्या गाडीला जोरदार धडक दिल्याने हा अपघात झाला.सांगली जिल्ह्यातील लोणारवाडी गावचे सुपुत्र आणि पॅरा कमांडोचे हवालदार पोपट भगवान खोत (वय ३४ वर्षे) यांचा या अपघातात मृत्यू झाला. या अपघातात त्यांचा एक सहकारी जवान गंभीर जखमी झाला आहे.
पोपट भगवान खोत यांच्या मृत्यूमुळे संपूर्ण कवठेमहांकाळ तालुका आणि त्यांच्या कुटुंबावर शोककळा पसरली आहे. आज दुपारी बारा वाजण्याच्या सुमारास हा अपघात झाला. सांगलीच्या कवठेमहांकाळ तालुक्यातील लोणारवाडी हे पोपट खोत यांचे मूळ गाव आहे. त्यांच्या पश्चात पत्नी, मुलगा, मुलगी, आई आणि बहिणी असा परिवार आहे.पोपट खोत यांचे पार्थिव त्यांच्या गावी लोणारवाडी येथे घेऊन येणार आहेत. कर्त्यव्य बजावत असताना, पोपट खोत यांचा अपघाती मृत्यू झाला. त्यांच्या पार्थिवावर शासकीय इतमामात अंत्यसंस्कार केले जाणार आहेत.
