(जाकादेवी/वार्ताहर)
रत्नागिरी तालुक्यातील सैतवडे बौद्धजन ग्रामस्थ पंचायत, आदर्श महिला मंडळ, बौध्दजन पंचायत समिती शाखा क्र.२७ व त्रिशरण फाउंडेशन ट्रस्ट यांच्या संयुक्त विद्यमाने अशोक विजया दशमी, धम्म चक्र प्रवर्तन दिन उत्साहात साजरा करण्यात आला.
कार्यक्रमाची सुरूवात धम्म ध्वजारोहण करुन करण्यात आले. त्यानंतर सूत्रपठण, धम्म रॅली काढण्यात आली. डॉ.बाबासाहेबांना अभिवादन करण्यात आले. त्यानंत फुले शाहू आंबेडकरी चळवळीचे अभ्यासक अशोक निकम यांनी धम्मचक्र प्रवर्तन दिनानिमित्त बहुमोल मार्गदर्शन केले.
रमाकांत पवार यांची म. गांधी तंटामुक्ती अध्यक्षपदी निवड झाल्याबद्दल त्यांचा ट्रस्टचे उपाध्यक्ष श्रीधर पवार यांच्या हस्ते सत्कार करण्यात आला. त्यानंतर शालेय मुलांसाठी चित्रकला स्पर्धा आयोजित करण्यात आली. कार्यक्रम यशस्वी करण्यासाठी रविंद्र पवार, अमित जाधव, अंकुश पवार, मोहन पवार, बळीराज पवार, हरेंद्र पवार, जोस्ना यादव, रेवती कदम, सपना पवार, मालिनी पवार, मनीष कदम, सुभाष मोहिते तसेच लहान थोर मंडळी, सर्व स्थानिक सदस्य यांचे अनमोल सहकार्य मिळाले. सदर कार्यक्रमाचे सूत्रसंचलन चिटणीस संज्योत चव्हाण यांनी केले.
