(जाकादेवी / संतोष पवार)
कोल्हापूर जिल्ह्यातील कसबा- बावडा गोळीबार मैदान येथील उपक्रमशील शिक्षक, प्रसिद्ध वक्ते म्हणून ख्याती मिळविलेले राजाराम गणपती यादव यांचे वयाच्या ७३ व्या वर्षी ६ एप्रिल रोजी कोल्हापूर येथे दुःखद निधन झाले.
राजाराम गणपती यादव यांनी स्वामी विवेकानंद शिक्षण संस्थेत २३ वर्ष अध्यापनाची उत्तम सेवा बजावली. हाडाचे शिक्षक, कडक, शिस्तीचे तितकेच प्रेमळ स्वभावाचे म्हणून ते ओळखले जात. वाचनाबरोबरच त्यांना शेती व बागकामात कमालीची आवड होती. रत्नागिरी तालुक्यातील मालगुंड एज्युकेशन सोसायटीच्या जाकादेवी येथील बाबाराम पर्शराम कदम कनिष्ठ महाविद्यालयातील शिक्षक राहुल यादव यांचे ते वडील होत.
त्यांच्या पश्चात पत्नी, दोन मुलगे, मुलगी, सून व नातवंडे असा परिवार आहे. कै.राजाराम यादव यांच्या निधनाबद्दल शैक्षणिक व सामाजिक क्षेत्रातून दुःख व्यक्त होत आहे.
