(देवरूख / प्रतिनिधी )
देवरूखातील न्यू इंग्लिश स्कुल देवरुख च्या स्काऊट / गाईड विभागामार्फत सर्व विद्यार्थ्यांनी तयार केलेल्या राख्या व शुभ संदेश देशाच्या सीमेवर तैनात असणाऱ्या जवानांना शाळेतील स्काऊट / गाईड चे विद्यार्थी दरवर्षी पाठवत असतात. या वर्षीही सैनिकांप्रति आदर व त्यांच्या कामगिरीला सलाम करणे या हेतूने शाळेच्या गाईड पथका मार्फत विद्यार्थ्यांनी राख्या व शुभ संदेश तयार करून शाळेचे मुख्याध्यापक मधुकर कोकणी यांचेकडे जवानांना पाठविण्यासाठी सुपूर्द केल्या.
या उपक्रमासाठी शाळेतील गाईड शिक्षिका सौ. जान्हवी रुक्के व सौ रिमा केतकर यांनी मार्गदर्शन केले. तर मुख्याध्यापक मधुकर कोकणी, उप मुख्याध्यापक रवींद्र खैरे व पर्यवेक्षक अनंतकुमार मोघे यांनी या उपक्रमाचे कौतुक केले.
