(क्रीडा)
गेले काही दिवसांपासून बॅडमिंटनच्या विविध नामांकित स्पर्धेत अपयशाला सामाे-या जाणा-या पी. व्ही. सिंधू हिनं काल (रविवार) सिंगापूर ओपन २०२२ अजिंक्यपद स्पर्धेत विजेतेपद पटकाविलं. सिंधूनं विजेतेपद मिळविताच तिच्या चाहत्यांनी समाज माध्यमातून तिच्यावर शुभेच्छांचा वर्षावास प्रारंभ केला आहे.
पीव्ही सिंधूने सिंगापूर ओपनमध्ये अंतिम फेरीत चीनच्या वांग झी यीवर २१-९, ११-२१, २१-१५ असा राेमहर्षक विजय मिळवला. उपांत्य फेरीत सिंधूनं जपानच्या कावाकामीला अवघ्या ३१ मिनिटांत पराभूत केलं हाेतं. तिनं हा सामना २१-१५ आणि २१-७ अशा मोठ्या फरकानं जिंकला हाेता.
दरम्यान विविध स्पर्धांमध्ये सिंधूला सातत्याने अपयश येत हाेते. त्यामुळे आजच्या विजयाने भारतीय क्रीडाप्रेमींत उत्साहाचे वातावरण आहे. आजच्या विजयानंतर सिंधूवर शुभेच्छांचा वर्षाव हाेऊ लागला आहे.
