(रत्नागिरी)
साळवी स्टॉप येथील एका हॉटेलच्या मालकाला सहा ते सात जणांच्या टोळक्याने मारहाण केल्याची घटना मंगळावरी रात्री एकच्या सुमारास घडली. या मारहाणीतील हॉटेल मालकाला गंभीर दुखापत झाल्याने त्याला उपचारासाठी रुग्णालयात दाखल करण्यात आले आहे. पोलिसांनी या प्रकरणातील सर्व आरोपींवर गुन्हा दाखल करत त्यांच्या अटकेची कार्यवाही सुरू केल्याची सूत्रांनी माहिती दिली.
मंगळवारी रात्री एकच्या सुमारास रत्नागिरीतील साळवी स्टॉप येथे एका हॉटेलच्या बाहेर अज्ञात सात ते सहाजण गोंधळ घालत आपापसात शिवीगाळ करत होते. हॉटेलच्या मालकाने टोळक्यांला तिथून जाण्यास सांगितल्याने टोळक्यांने हॉटेलच्या मालकाला मारहाण केली. घडलेल्या प्रकाराची माहिती मिळताच तत्काळ पोलीसांनी घटनास्थळी धाव घेतली. या मारहाप्रकरणी शहर पोलिस ठाण्यात सहा अज्ञात संशयितांवर भा. द वि का. क. १४३, १४७, १४८, १४९, ३२४,५०४ प्रमाणे पोलिसांनी गुन्हा दाखल केला आहे. रत्नागिरी शहर पोलीस ठाण्याचे पोलीस निरीक्षक शैलेश सणस यांच्या टीमकडून हा तपास सुरू आहे.
