(लांजा)
लांजा तालुक्यातील साटवली मार्गावरील खावडी-कोंड्ये सीमेजवळील उतारात झालेल्या अपघातात निवोशी येथील दुचाकीस्वार तरुणाचा मृत्यू झाला. ही घटना १७ मे रात्री ते १८ मे रोजीच्या सकाळच्या दरम्यान घडली. राहुल गुरुदास तांबे (२३, रा. निवोशी तांबेवाडी, ता. लांजा) असे मृताचे नाव आहे. तो दुचाकी घेऊन साटवली ते लांजा मार्गावर प्रवास करत असताना खावडी कोंड्ये गावच्या सीमेजवळील उतारात वळणावर अपघात होऊन खोल गटारात पडला. यात गंभीर जखमी झाल्याने त्याचा मृत्यू झाला
ही घटना मध्यरात्रीच्या सुमारास घडल्याचा प्राथमिक अंदाज आहे. दरम्यान, गुरुवारी सकाळी लांजा-साटवली मार्गावर वाहतूक सुरू झाल्यानंतर अपघात झाल्याचे निदर्शनास आले राहुलला ग्रामीण रुग्णालय, लांजा येथे आणले असता तेथील वैद्यकीय अधिकाऱ्यांनी त्याला मृत घोषित केले. या घटनेची माहिती मिळताच लांजा पोलीस घटनास्थळी दाखल झाले होते.
