(देवरुख)
मा.पं.स सभापती श्री जयसिंग माने यांच्या वाढदिवसानिमित्त आयोजित जुगाई सेवा मंडळ भडकंबा व न्यू चॅलेंजर क्रीडा मंडळ साखरपा यांचे सहकार्या ने साखरपा टेनिस क्रिकेट प्रीमिअर लीग स्पर्धेचे आयोजन करण्यात आले आहे. या स्पर्धेला सामाजिक कार्यकर्ते, मयुर स्पोर्ट्स अकॅडमी देवरूखचे अध्यक्ष व शिवसेना उपतालुका प्रमुख श्री मनोहर गुरव यांची सदिच्छा भेट दिली. यावेळी सामाजिक कार्यकर्ते व प्रतिष्ठित व्यापारी श्री बंडू शेठ माने यांच्या हस्ते त्यांना शाल व पुष्पगुच्छ देऊन सत्कार करण्यात आला. तर सामाजिक कार्यकर्ते व पत्रकार श्री दिपक तावडे यांचेही पुष्पगुच्छ देऊन स्वागत करण्यात आले.
यावेळी जुगाई सेवा मंडळाचे पदाधिकारी व कार्यकर्ते त्याचप्रमाणे न्यु चॅलेंजर क्रीडा मंडळ साखरपाचे अध्यक्ष मारुती वाघमोरे, अनिल वाडकर, क्रिकेटपटू सुरज वाघधरे, विशाल शेट्ये व क्रीडा मंडळाचे पदाधिकारी उपस्थित होते. श्री मनोहर गुरव यांनी सर्व पदाधिकारी ,आयोजक, कार्यकर्ते तसेच सर्व सहभागी संघ तसेच खेळाडूंना सदिच्छा दिल्या.
