(जाकादेवी / वार्ताहर)
रत्नागिरी तालुक्यातील हातखंबा- झरेवाडी येथील सनगरे वाडीतील ज्येष्ठ सदस्या सरस्वती गणपत सनगरे यांचे ४ ऑक्टोबर रोजी रात्री दुःखद निधन झाले. मृत्यूसमयी त्यांचे वय ७५ वर्षे होते.
दिवंगत सरस्वती गणपत सनगरे या अत्यंत प्रेमळ, कष्टाळू, धार्मिक आणि शिक्षणाविषयी अपार प्रेम असणाऱ्या व्यक्तिमत्त्व होत्या. त्यांनी आपल्या मुलांना चांगले शिक्षण दिले. जाकादेवी कनिष्ठ महाविद्यालयातील शिक्षक संतोष सनगरे यांच्या त्या मातोश्री होत.
त्यांच्या पश्चात पती, दोन मुलगे,मुलगी, सुना, नातवंडे असा परिवार आहे. त्यांच्या निधनाबद्दल मालगुंड एज्युकेशन सोसायटीच्या जाकादेवी येथील तात्यासाहेब मुळ्ये माध्यमिक विद्यालय व बाबाराम पर्शराम कदम कनिष्ठ महाविद्यालयाच्यावतीने भावपूर्ण श्रद्धांजली वाहण्यात आली. यावेळी प्रशालेचे मुख्याध्यापक, पर्यवेक्षक, शिक्षक-शिक्षकेतर कर्मचारी, विद्यार्थी उपस्थित होते. त्यांच्या निधनाबद्दल परिसरातून दुःख व्यक्त होत आहे.
