समृद्धी महामार्गावर अपघातांचा सिलसिला सुरूच आहे. काल समृद्धी महामार्गावरील मेहकर-जालना रोडवर एका कारने दुस-या कारला मागून धडक दिली. या भीषण अपघातात ३ जणांचा मृत्यू झाला, तर ३ जण गंभीर जखमी झाल्याची घटना घडली आहे.
समृद्धी महामार्गावर सकाळी औरंगाबादहून नागपूरच्या दिशेने दोन कार निघाल्या होत्या. यावेळी समृद्धी महामार्गावर बीबी ते शिवनीपिसा गावाजवळ कार (क्रमांक एमएच ४९ बीआर ६०८२) ही मेहकरपासून काही अंतरावर पुढे जात असताना दुसरी कार यांच्यात धडक झाली. अपघात इतका भीषण होता की दोन जणांचा जागीच मृत्यू झाला, तर एकाचा रुग्णालयात उपचारासाठी नेत असताना मृत्यू झाला. कारमध्ये झालेल्या या भीषण अपघातात गौरव खडसने, सनवी सोनटक्के आणि अमित खेरकर मृत झाले आहेत. हे तिघेही नागपूरचे रहिवासी आहेत.
अपघातानंतर तात्काळ महामार्ग पोलिसांनी जखमीना १०८ क्रमांकाच्या रुग्णवाहिकेतून जखमींना रुग्णालयात दाखल केले व अपघातग्रस्त वाहन दुसरबीड इंटरचेंज येथे आणले.
