( संगमेश्वर )
संगमेश्वर रेल्वेस्टेशन ते भिरकोंड दरम्यान पायी गस्त घालत असताना आंबेड तेलेवाडी बोगद्याजवळ आंध्रप्रदेश येथील गव्वा समरसिम्हा रेड्डी हा जखमी अवस्थेत सापडला. मात्र उपचारादरम्यान त्याचा मृत्यू झाला. रेल्वेतून पडून तो जखमी झाल्याचे सांगण्यात येत आहे.
योगेश वसंत हुमणे हा रेल्वे ट्रॅकमन संगमेश्वर रेल्वे स्टेशन ते भिरकोंड अशी पेट्रोलिंग करत असताना दरम्यान आंबेड तेलेवाडी बोगद्याजवळ संगमेश्वर रेल्वे स्थानक दिशेने जात गव्वा समरसिम्हा रेड्डी हा जखमी अवस्थेत सापडला. त्याला संगमेश्वर ग्रामीण रुग्णालयात उपचारासाठी हलवले. मात्र उपचारादरम्यान त्याचा मृत्यू झाल्याचे डॉक्टर अभिजीत मोरे यांनी सांगितले.
याबाबत योगेश वसंत हुमणे यांनी खबर दिली. या घटनेची माहिती मिळताच संगमेश्वर पोलीस ठाण्याचे पोलीस निरीक्षक उदय झावरे, सचिन कामेरकर, बरगाळे, संतोष झापडेकर आदींनी जावून चौकशी केली. या घटनेची नोंद करण्यात आली असून अधिक तपास पोलीस करत आहेत.
