(देवरूख / सुरेश सप्रे)
संगमेश्वर तुरळ सुवरेवाडी मराठी शाळेतील विद्यार्थी नीरज मनोज इनामदारने इस्त्रो /नासा भेटीसाठी तालुक्यात प्रथम क्रमांक प्राप्त करत आता अमेरीकेस रवाना होणार आहे. संगमेश्वर तालुक्यातील तुरळ गावामधील विद्यार्थी कु. निरज मनोज इनामदार हिची ईसरो (बेंगलोर) व नासा (अमेरीका) भेटीकरीता रत्नागिरी जिल्ह्यातून निवड झाल्याबद्दल समस्त जिल्ह्यातून कौतुक होत आहे.
नीरज हा पुर्ण प्राथमिक मराठी शाळा तुरळ सुवरेवाडी ५ वी इयत्ता मध्ये शिकत असुन शिक्षण विभाग प्राथमिक जिल्हा परिषद रत्नागिरी अंतर्गत “जाणू विज्ञान अनुभवू विज्ञान” नासा (NASA) आंतरराष्ट्रीय संशोधन केंद्र (अमेरीका) व (ISRO) भारतीय अवकाश संशोधन केंद्र (बेंगलोर) भेट चाळणी परीक्षा उपक्रम राबविण्यात आला. सदर परीक्षेत संगमेश्वर तालुक्यात प्रथम क्रमांक पटकावत तुरळ च्या निरज इनामदार याची (बेंगलोर) व नासा (अमेरीका) भेटीकरीता रत्नागिरी जिल्ह्यातुन निवड करण्यात आली आहे. त्याला शाळेतील शिक्षक संदिप कुंभार यांचे मोलाचे मार्गदर्शन लाभले.
त्याच्या उत्तुंग अशाबद्दल तुरळ गावात शाळेच्या विद्यमाने गुणगौरव व कौतुक समारंभ मान्यवरांच्या प्रमुख उपस्थितीत करण्यात आला. त्या वेळेस विस्तार अधिकारी विनायक पाध्ये, केंद्रप्रमुख धुळप, मुख्याध्यापिका सौ.दुर्गा भोजने तसेच सर्व शिक्षक वृंद व पालक व ग्रामस्थ उपस्थित होते.
