( संगमेश्वर / प्रतिनिधी )
तालुक्यातील कडवई कातळवाडी येथे दोन घरे फोडून ताब्या, पितळेच्या भांडयाची चोरी केल्याची घटना जून 2022 ते 27 जानेवारी 2023 या कालावधीत घडली. याबाबतची फिर्याद सौ. अंजुम सिकंदर मोडक (49, कडवई कातळवाडी, संगमेश्वर) यांनी संगमेश्वर पोलीस ठाण्यात दिली.
पोलिसांनी दिलेल्या माहितीनुसार, अंजुम मोडक तसेच मुजफ्फर महंमद मुल्लाजी यांचे बंद घर फोडून चोरटयाने मागील दरवाजाचा कडी कोयंडा उचकटून घरात प्रवेश केला. घरातील तांब्या, पितळेची भांडी, चांदीची नाणी असा एकूण 10 हजार 600 रुपयांचा ऐवज लंपास केला. या बाबतची तक्रार अंजुम मोडक यांनी पोलीस ठाण्यात दिल्यानंतर अज्ञातावर भादविकलम 454, 457, 380 नुसार गुन्हा दाखल करण्यात आला आहे.
