(खेड)
तालुक्यातील मौजे वेरळ गावातील गारवा बियर शॉपी येथे दि. १० रोजी रात्री १०.३० वाजण्याच्या सुमारास शॉप मालक यांचे नाव घेऊन तसेच तेथील कामगाराला शिवीगाळ, दमदाटी करून हाताच्या थापटाने मारहाण केली. संशयित आरोपी सनी चव्हाण व त्याच्यासोबत असलेले अन्य दोन अनोळखी इसम यांच्याकडून हा प्रकार घडला.
यावेळी बियर शॉपीच्या काउंटरवर ठेवलेल्या सुमारे ९२५ रुपये किमतीच्या बियर बाटल्या चोरुन नेल्या. तसेच शॉपीचे काउंटर तोडून नुकसान केले. तसेच संशयित आरोपी सनी चव्हाण यांनी फिर्यादी यांच्या बियर शॉपीच्या शटरवर हाताच्या कोपराने मारले, अशी तक्रार खेड पोलिस ठाण्यात दुकान मालकाने केली. पोलिसांनी तिघांविरोधात गुन्हा दाखल केला आहे. अधिक तपास पोलिस करत आहेत.
