(गुहागर)
गुहागर तालुक्यातील शृंगारतळी वेळंब रोड येथील मदरसा जामिया बरकातूश शफिया ते मच्छी मार्केट येथे ईद-ए मिलादुन नबी या मुस्लीम बांधवांच्या सणानिमित्त भव्य मिरवणूक काढून सर्वांच्या सहकार्याने जश्ने ईद ए मिलादुन नबी हा सण मोठ्या उत्साहात साजरा करण्यात आला. शृंगारतळी व्यापारी संघटनेतर्फे भव्य मिरवणुकीचे स्वागत करण्यात आले व शीतपेयाचे वाटप केले.
मजलोसे कबुलुल्लाह हुसैनी कमिटीचे अध्यक्ष गफ्फार मेमन यांच्या अध्यक्षतेखाली प्रतिवर्षाप्रमाणे शृंगारतळी येथे ईद-ए-मिलादुन नबी या सणाचे सर्वानुमते उत्तम नियोजन करण्यात आले होते. अल्लाह तालाह सर्वांनाच सुखी ठेवो अशी प्रार्थना अध्यक्ष गफ्फार मेमन यांनी सर्व मुस्लीम बांधवांच्यावतीने केली. ही भव्य मिरवणूक शांततामय वातावरणात पार पाडण्यासाठी सर्व मुस्लीम बांधव तसेच कमिटीचे सर्व पदाधिकारी यांनी सहकार्य केले.
या मिरवणुकीत गौरव वेल्हाळ, सरपंच संजय पवार, गुलाम तांडेल, पोलीस पाटील विशाल बेलवलकर, निसार खान, शाबीर साल्हे, होमगार्ड, पोलीस कर्मचारी या सर्वांचे बहुमोल सहकार्य लाभले.
