शाहरूख पोहोचला माँ वैष्णोदेवीच्या दरबारात! व्हीडीओ व्हायरल

(मुंबई)

बॉलिवूडचा बादशाह शाहरूख खान सध्या त्याच्या ‘जवान’ या सिनेमामुळे चर्चेत आहे. त्याचे चाहते चित्रपटाची आतुरतेने वाट पाहत आहेत. आता ‘जवान’ रिलिज व्हायला फक्त काहीच दिवस शिल्लक आहेत. त्यामुळे शाहरूख आणि चित्रपटाची टीम या सिनेमाच्या प्रमोशनमध्ये व्यस्त आहे. चित्रपटाच्या प्रदर्शनापूर्वी चाहते त्याच्या ट्रेलरचीही आतुरतेने वाट पाहत आहेत. ‘पठाण’ चित्रपटाच्या मोठ्या यशानंतर चाहते शाहरुखच्या आगामी चित्रपटाची वाट पाहत आहेत. शाहरुखचे ‘डंकी’ आणि ‘जवान’ हे त्याचे दोन चित्रपट प्रेक्षकांच्या भेटीला येणार आहे. येत्या 7 सप्टेंबर 2023 रोजी ‘जवान’ चित्रपट प्रदर्शित होणार आहे. त्याआधी या चित्रपटातील गाण्यांनी सोशल मीडियावर धूमाकुळ घातला आहे.

https://twitter.com/fardeen_srkian/status/1696757238747287768?ref_src=twsrc%5Etfw%7Ctwcamp%5Etweetembed%7Ctwterm%5E1696757238747287768%7Ctwgr%5Ea6791150ef488a4be9a2700d27dac5b5d069fe34%7Ctwcon%5Es1_&ref_url=https%3A%2F%2Fwww.abplive.com%2Fentertainment%2Fbollywood%2Fshah-rukh-khan-visit-mata-vaishno-devi-before-jawan-trailer-launch-video-viral-2484251

‘जवान’चे दुसरे ट्रेलर आज प्रदर्शित होणार आहे. त्यापूर्वी शाहरूख खान माँ वैष्णोदेवीच्या दरबारात नतमस्तक झाला. शाहरूखने माँ वैष्णोदेवीचे दर्शन घेतले आहे. शाहरूख खानचा हा व्हीडीओ सोशल मीडियावर व्हायरल होत आहे.

‘जवान’च्या म्युझिक लॉन्चपूर्वी शाहरूख खानने जम्मूतील प्रसिद्ध माता वैष्णोदेवी मंदिराला भेट दिली. या मंदिरातील शाहरूख खानचे अनेक व्हीडीओ आणि फोटो सोशल मीडियावर व्हायरल झाले आहेत. यावेळी शाहरूख निळ्या रंगाचा जॅकेट, टी-शर्ट, आणि डेनिममध्ये दिसत आहे. त्याने चेहरा मास्कमागे लपवला आहे. कोणाला कळू नये म्हणून त्याने आपला चेहरा झाकून घेतला आहे. त्याच्यासोबत त्याचे बॉडिगार्डही दिसत आहेत. तर दुसरीकडे शाहरूखच्या ‘जवान’ या चित्रपटाचे ट्रेलर आज प्रेक्षकांच्या भेटीला येणार आहे. त्याचे चाहते याची आतुरतेने वाट पाहत आहेत. त्यापूर्वी शाहरूख चेन्नईतील साईराम अभियांत्रिकी महाविद्यालयात चित्रपटाचे संगीत लाँच करणार आहे