( रवींद्र गोवळकर / चाफे )
जि. प. पू. प्रा. शाळा चाफे नं 1 या शाळेत स्वातंत्र्याचा अमृत महोत्सव विविध उपक्रमाच्या माध्यमातून उत्साहात साजरा करण्यात आला. त्याचेच अवचित्य साधत आज रोटरी क्लब रत्नागिरीच्यावतीने शाळेतील 50 मुलांना शालेय दप्तरांचे वाटप करण्यात आले.
शाळेत वर्षभरात राबवलेल्या विविध उपक्रमाची व शाळेच्या प्रगतीचा आढावा मुख्याध्यापक श्री अरुण जाधव यांनी करून दिला. शाळेची एकूण प्रगती पाहून रोटरी क्लबच्यावतीने उर्वरित सर्वच मुलांना शालेय दप्तरे देण्याचे आश्वासन देण्यात आले.
यावेळी रोटरी क्लबचे अध्यक्ष श्री राजेंद्र घाग, सेक्रेटरी श्री रुपेश पेडणेकर, माजी अध्यक्ष श्री सचिन शिंदे, श्री. निलेश मुळ्ये (असी. गव्हर्नर), श्री. नरपत सिग (सदस्य देणगीदार ) तसेच शालेय व्यवस्थापन अध्यक्ष रवींद्रजी गोवळकर उपस्थित होते.
कार्यक्रमाचे प्रस्थाविक सौ नलावडे यांनी केले तर आभार श्री सावंत सर यांनी मानले. यावेळी सौ करंबेळकर, देसाई उपस्थित होते. नवीन दप्तर मिळाल्याने मुलांच्या चेहऱ्यावर आनंद दिसत होता.
