(संगलट / प्रतिनिधी )
माखजन पोलीस दूरक्षेत्राचे सहाय्य्क पोलीस उपनिरीक्षक विवेक डी. साळवी यांची पोलीस उपनिरीक्षकपदी बढती झाल्याने त्यांचे अभिनंदन करण्यात येत आहे. व्ही. डी. साळवी हे माखजन पोलीस दूरक्षेत्रात रुजू झाल्यावर कार्यक्षेत्र कार्यक्षेत्रातील तक्रारीचे निरसन सामंजस्यपणाने करण्याचे प्रयत्न करून वाद मिटवण्यावर भर दिला. तसेच त्यांचा स्वभाव हा मनमिळावू असल्याने ग्रामस्थही त्यांना चांगला प्रतिसाद देत आहेत.
सहाय्य्क पोलीस उपनिरीक्षक व्ही. डी. साळवी यांची पोलीस उपनिरीक्षकपदी नुकतीच बढती झाल्याने अनेकांनी त्यांचे अभिनंदन करून त्यांना शुभेच्छा दिल्या. राष्ट्रवादी काँग्रेसचे ज्येष्ठ कार्यकर्ते व पंचायत समिती माजी सदस्य जाकीर शेकासन आणि सामाजिक कार्यकर्ते पिंट्या पिलणकर यांनी त्यांचे पुष्पगुच्छ देऊन अभिनंदन केले. यावेळी पोलीस मुदगल, चव्हाण, तुकाराम कुंभार आदी उपस्थित होते.
पोलीस उपनिरीक्षक व्ही. डी. साळवी यांनी यापूर्वी दापोली, खेड, चिपळूण, नाटे आदी पोलीस ठाण्यात अनेक गुन्ह्यात उल्लेखनीय कामगिरी केली आहे. त्यांच्या कार्याची दखल घेऊन त्यांना बढती मिळाली आहे.
