(गणपतीपुळे / वैभव पवार)
रत्नागिरी तालुक्यातील वाटद खंडाळा येथील दीक्षाभूमी बुद्धविहारात बावीस खेडी बौद्धजन संघ दीक्षाभूमी वाटद खंडाळा यांचे वतीने वर्षावास सांगता समारंभ बौद्धजन पंचायत समिती रत्नागिरी तालुका शाखेच्या विशेष सहकार्याने मोठ्या उत्साहात संपन्न करण्यात आला. यावेळी बौद्धधम्मगुरू भंते बुद्धपुत्र यांचे विशेष मौलिक प्रवचनाचा लाभ उपस्थित बौद्ध बांधवांना घेता आला.
हा वर्षावास सांगता कार्यक्रम बावीस खेडी बौद्धजन संघ दीक्षाभूमी वाटद खंडाळ्याचे धडाडीचे अध्यक्ष सुनील तथा भाई जाधव यांच्या प्रमुख अध्यक्षतेखाली साजरा करण्यात आला. यावेळी या कार्यक्रमाच्या प्रारंभी दीक्षाभूमी बुद्ध विहाराच्या प्रांगणात पंचशील धम्मध्वजाचे ध्वजारोहण भंते बुद्धपुत्र यांच्या शुभहस्ते करण्यात आले. त्यानंतर दीक्षाभूमी बुद्धविहारात भगवान गौतम बुद्ध व डॉ. बाबासाहेब आंबेडकर या आदर्शांच्या मुर्त्यांसमोर दीप व गंधप्रज्वलन बौद्धजन पंचायत समितीचे तालुकाध्यक्ष प्रकाश पवार व त्यांचे उपस्थित पदाधिकारी आणि बावीस खेडी बौद्धजन संघाचे पदाधिकारी यांच्या प्रमुख उपस्थितीत करण्यात आले.
यावेळी तालुका शाखेचे अध्यक्ष प्रकाश पवार यांच्या समवेत उपाध्यक्ष विजय आयरे, चिटणीस सुहास कांबळे, संस्कार समितीचे सभापती संजय आयरे, चिटणीस रविकांत पवार माजी तालुकाध्यक्ष तु.गो.सावंत, कोषाध्यक्ष मंगेश सावंत आदींसह विविध समित्यांचे पदाधिकारी तसेच बावीस खेडी संघटनेचे अध्यक्ष भाई जाधव चिटणीस स्वप्निल जाधव, सभापती रजत पवार आदींसह त्यांचे अन्य पदाधिकारी उपस्थित होते. या कार्यक्रमात बौद्धजन पंचायत समितीच्या वतीने वर्षावास कार्यक्रमांतर्गत झालेल्या धम्म प्रवचन मालिकेमध्ये प्रवचनकार म्हणून काम केलेल्या बौद्धाचार्य रविकांत पवार, संदीप जाधव, संजय आयरे, सुवेश चव् यांचा विशेष सन्मान करण्यात आला. तसेच बौद्धजन पंचायत समिती तालुका शाखेच्या विविध उपक्रमशील उपक्रमांना विशेष मोलाचे योगदान देणाऱ्या अनेक मान्यवर व्यक्तींचा सन्मान बौद्धजन पंचायत समिती तालुका शाखेच्या वतीने करण्यात आला.
रत्नागिरी तालुका व 22 खेडी गाव शाखातील ज्या धम्मबंधूंची निवड तंटामुक्त समितीच्या अध्यक्षपदी करण्यात आली आहे, त्या सर्व धम्म बंधूंचा विशेष सन्मान रत्नागिरी तालुका शाखेच्यावतीने यावेळी करण्यात आला. या कार्यक्रमात बावीस खेडी बौद्धजन संघाच्यावतीने आलेल्या सर्व मान्यवरांचे यथोचित स्वागत करण्यात आले. या कार्यक्रमात धम्मदेसना देताना भंते बुद्धपुत्र यांनी यांनी धम्मविषयक अनेक महत्त्वाच्या गोष्टींवर उपस्थित बौद्ध बांधवांना मार्गदर्शन करून तथागतांच्या आचरणशील धमाप्रमाणे आपल्या वागणुकीत बदल करून प्रत्येकाने एक आदर्शवत जीवन जगावे असे आव्हान उपस्थितांना केले.
यावेळी सर्वच बौद्ध बांधवांना भंते बुद्धपुत्र यांचे मौलिक मार्गदर्शन खूप प्रबोधनात्मक ठरले. हा कार्यक्रम यशस्वी करण्यासाठी 22 खेडी बौद्ध बौद्धजन संघाचे कार्याध्यक्ष भाई जाधव यांचे प्रमुख नेतृत्वाखाली त्यांच्या सर्व पदाधिकारी व 22 खेडी संघटनेतील गाववार प्रतिनिधींनी विशेष मेहनत घेतली. या कार्यक्रमाला 22 खेडी बौद्धजन संघातील गाव शाखांचे व तालुका शाखांमधील बौद्ध बांधव मोठ्या संख्येने उपस्थित होते.
