(चिपळूण)
मुंबई – गोवा राष्ट्रीय महामार्गावर सावर्डे वहाळफाटा येथे कंटेनर चालकाचा ताबा सुटल्याने भरधाव कंटेनर एका घराच्या कोपऱ्यावर जाऊन कलंडला.
बुधवारी (दि. १२) सकाळी ही घटना घडली असून, घरातील कोणालाही दुखापत झाली नाही. वहाळ फाटा येथील रहिवासी शशिकांत आत्माराम वारे यांचे घर महामार्गालगत आहे. घरासमोर भुयारी मार्गाचे काम सुरू असल्याने वाहने सर्व्हिस रोडने येतात. चिपळूणहून रत्नागिरीकडे निघालेल्या कंटेनर चालकाचा ताबा सुटला आणि हा कंटेनर रस्त्याच्या कडेला घरावर कलंडला. यामध्ये घराची कौले व भिंतीचे नुकसान झाले आहे. याप्रकरणी कंटेनर चालकावर गुन्हा दाखल करण्यात आला आहे.
