(खेड / भरत निकम)
तालुक्यातील लोटेमाळ येथील प्रकाश शिंदे चाळीतील खोलीतून दोन मोबाईलची चोरी झाली आहे. ही घटना ७ जानेवारी रात्रौ ११.३० ते ८ जानेवारी सकाळी ५ वाजण्याच्या सुमारास घडली.
पोलिसांनी दिलेल्या माहितीनुसार, खेड तालुक्यातील लोटेमाळ येथे प्रकाश शिंदे यांच्या चाळीत संजय गणपत चव्हाण हे कुटुंब भाड्याने वास्तव करत आहेत. ७ जानेवारी रात्रौ ११.३० ते ८ जानेवारी सकाळी ५ वाजण्याच्या सुमारास त्यांची पत्नी आणि मुले झोपलेले असताना चुकून खोलीचा पाठीमागील दरवाजा बंद करण्यास विसरले होते. या संधीचा फायदा घेऊन अज्ञात चोराने विवो कंपनीचा व्ही २९ किंमत रुपये १७ हजार व विवो कंपनीचा वाय १२ किंमत रुपये ५ हजार असे एकूण २२ हजार रुपये किंमतीचे दोन मोबाईल चोरीला गेले आहेत.
याप्रकरणी संजय चव्हाण यांनी फिर्याद दाखल केली असून अज्ञात चोराविरुध्द गुन्हा दाखल करण्यात आला आहे.
