(लांजा / वार्ताहर)
मराठा सेवा संघ, छत्रपती शिवाजी महाराज मुस्लिम ब्रिगेड, संभाजी ब्रिगेड आणि जिजाऊ ब्रिगेड लांजा यांच्या संयुक्त विद्यमाने लांजा शहरातील मासूमनगर कुंभारवाडी येथे रविवार दिनांक १४ मे रोजी छत्रपती संभाजी महाराज यांची जयंती साजरी करण्यात आली. यावेळी कार्यक्रमाच्या सुरुवातीला छत्रपती संभाजी महाराज यांच्या प्रतिमेस पुष्पहार अर्पण करून अभिवादन करण्यात आले.
याप्रसंगी प्रमुख मार्गदर्शक म्हणून लहुजी खामकर उपस्थित होते. त्यांनी उपस्थितांना छत्रपती संभाजी महाराज यांच्या जीवन कार्यावर मार्गदर्शन केले. दरम्यान, सदर कार्यक्रमाला छत्रपती शिवाजी महाराज मुस्लिम ब्रिगेड तालुकाध्यक्ष अल्लाउद्दीन नेवरेकर, मराठा सेवा संघ संघटक संतोष जाधव, मराठा सेवा संघ सचिव दाजी गडहिरे, राष्ट्रवादी कॉंग्रेसचे लांजा तालुकाध्यक्ष अभिजित राजेशिर्के, राष्ट्रवादीचे शहराध्यक्ष बाबा धावणे, रऊफ नेवरेकर, कुणबी सहकारी पतसंस्थेचे उपाध्यक्ष विलास दरडे, सामाजिक कार्यकर्ते आरबाज नेवरेकर, अब्दुल मुकादम, अब्बास मापारी आदींसह इतर पदाधिकारी उपस्थित होते.
