( खेड )
खेड-दापोली मार्गावर सोमवारी सायंकाळच्या सुमारास अज्ञात वाहनाच्या धडकेत वृद्ध जखमी झाल्याची घटना घडली. रामदास भगवान मोहिते (रा. चिंचघर- वेताळवाडी) असे जखमी वृद्धाचे नाव आहे. या प्रकरणी अज्ञात वाहनचालकावर गुन्हा दाखल करण्यात आला आहे.
रामदास मोहिते हे घराच्या बाजूने जाणाऱ्या रस्त्यावरून लघुशंका करून घरी परतत असताना समोरून येणाऱ्या चारचाकी वाहनाने त्यांना धडक दिली. त्यांना दुखापती झाल्या असून अज्ञात वाहनचालकाने घटनास्थळावरून पलायन केले. या प्रकरणी राहुल रामदास मोहिते यांनी पोलिस ठाण्यात तक्रार दिली. त्यानुसार अज्ञातावर गुन्हा दाखल करण्यात आला आहे.
