(जाकादेवी / वार्ताहर)
रत्नागिरी तालुक्यातील बळीराम परकर विद्यालय मालगुंड येथील उपक्रमशील सहाय्यक शिक्षक श्री.बाबासाहेब बेडक्याळे यांचे वडील लक्ष्मण सन्नाप्पा बेडक्याळे (वय ८०) यांचे २१ सप्टेंबर रोजी कोल्हापूर जिल्ह्यातील शिरोळ तालुक्यातील शिवनाकवाडी गावी वृद्धापकाळाने दुःखद निधन झाले.
दिवंगत लक्ष्मण बेडक्याळे हे अतिशय कष्टाळू ,दिलदार, कणखर आणि मनमिळावू व्यक्तिमत्व होते. जुनी अकरावी शिकलेले लक्ष्मण बेडक्याळे यांनी केवळ नोकरीवर विसंबून न राहता शेती करण्यावर भर दिला. शेती कामाची त्याला प्रचंड आवड होती. अपार मेहनत घेऊन त्यांनी आपल्या मुलांना उत्तम शिक्षण देऊन स्वतःच्या पायावर उभे केले.
त्यांच्या या निधनाबद्दल मालगुंड एज्युकेशन सोसायटीचे बळीराम परकर विद्यालय व मुरारी तथा भाई मयेकर ज्युनिअर कॉलेज मालगुंड ,तात्यासाहेब मुळये माध्यमिक विद्यालय व बाबाराम पर्शराम कदम कनिष्ठ महाविद्यालय जाकादेवी यांच्यावतीने भावपूर्ण श्रद्धांजली वाहण्यात आली. त्यांच्या पश्चात पत्नी, मुलगा, सून,मुली, जावई,नातवंडे असा परिवार आहे
