(चिपळूण)
रेल्वे ट्रॅक ओलांडताना रेल्वेची धडक बसून पेढे कुंभारवाडी येथील 30 वर्षीय तरुणाचा मृत्यू झाल्याची घटना रविवारी सकाळी 11 वाजण्याच्या सुमारास घडली.
उमेश दिलीप मालवणकर (30, पेढे-कुंभारवाडी) असे मृत्यू झालेल्या तरुणाचे नाव आहे. उमेश हा शेतीकामासाठी शेताच्या दिशेने जात होता. यावेळी तो रेल्वे ट्रॅक ओलांडत असताना मुंबईहून आलेल्या जनशताब्दी एक्स्प्रेसची त्याला धडक बसली. यात त्याला गंभीर दुखापत झाल्याने यातच त्याचा मृत्यू झाला.
उमेश याचा मृतदेह कामथे रुग्णालयात नेण्यात आला. या बाबत चिपळूण पोलीस स्थानकात आकस्मिक मृत्यूची नोंद करण्यात आली आहे.
