(रत्नागिरी / प्रतिनिधी)
भरवस्तीत म्हणजे रत्नागिरी शहरातील आठवडाबाजार येथे काल मध्यरात्री 2 वा. च्या सुमारास चोरटयांचा दुकान फोडण्याचा प्रयत्न रिक्षा चालकाच्या चाणाक्षपणामुळे फसला.
शुक्रवार 12 ऑगस्ट रोजी मध्यरात्री 2 वा. च्या सुमारास दोन चोरटे आठवडाबाजार येथे एस. एस. मोबाईल दुकान फोडण्याचा प्रयत्न करत होते. याचवेळी या मार्गावरुन जाणार्‍या एका रिक्षाचालकाच्या लक्षात आले. कुलूप तोडून एवढया रात्री दुकानाचे शटर उघडल्यामुळे त्याला दाट संशय आला. पुढे त्याला गस्तीवरील पोलीस दिसून आले. त्याने पोलिसांना याबाबत माहिती दिली.
पोलिसांनी आठवडाबाजारच्या दिशेने जात शटर उघडलेल्या दुकानाच्या इथे जावून पकडण्याचा प्रयत्न केला. एवढयात एक चोरटया पोलिसांना चकवा देवून फरार झाला. मात्र दुसर्‍या चोरटयाला पकडण्यात पोलिसांना यश आले. या चोरटयाने अंगावर स्त्रियांचा गाऊन घातला होता.
