(रत्नागिरी)
उत्तरप्रदेशमधील गाझियाबाद जिल्ह्यातील नोयडा येथे दि. ५ ते ८ ऑक्टोबर २०२३ रोजी ओपन नॅशनल तायक्वांदो चॅम्पियनशिपचे आयोजन करण्यात आले होते देशभरातून विविध अनेक खेळाडू या स्पर्धेकरता दखल झाले होते रत्नागिरीमधील एसआरके तायक्वांदो क्लबची खेळाडू स्वरा विकास साखळकर हिने 2 कास्यपदके मिळवून रत्नागिरीचे नाव नोएडा मध्ये झळकावले.
स्वरा हिने आजपर्यंत जिल्हास्तरीय आणि राज्यस्तरीय स्पर्धेत अनेकवेळा विशेष ठसा उमटवला होता. स्वरा हिने आजपर्यंत जिल्हास्तरीय स्पर्धेत 23 सुवर्णपदके, 2 रौप्य तर 4 कास्यपदके तर राज्यस्तरीय स्पर्धेत 1 सुवर्णपदक तर 1 रौप्य पदक मिळविले आहे, नोएडा येथील राष्ट्रीय स्पर्धेसाठी प्रथमच खेळताना स्वरा हिने पुमसे प्रकारात एक कांस्यपदक तर क्युरोगी प्रकारात एक कांस्यपदक मिळवून 2 पदके आपल्या नावावर केली.
या स्पर्धेकरीता स्वरा हिला SRK तायक्वांदो क्लबचे मुख्य प्रशिक्षक व अध्यक्ष शाहरुख शेख यांचे मोलाचे मार्गदर्शन लाभले.स्वरा ही शिर्के हायस्कूलची विद्यार्थिनी असून इयत्ता 5 वी मध्ये शिकत आहे.स्वरा च्या या यशाबद्दल सर्वच स्तरातून तिच्यावर अभिनंदनाचा वर्षाव होत आहे. नोएडा येथील या स्पर्धेत स्वराने मिलवालेल्या यशाबद्दल तायक्वांदो असोसिएशन ऑफ महाराष्ट्राचे अध्यक्ष डॉ. अविनाश भाराजगे, सेक्रेटरी मिलिंद पाठारे, खजिनदार व्यंकटेशराव करा, रत्नागिरी जिल्ह्याचे सचिव लक्ष्मण करा, कोषाध्यक्ष शशांक घडशी, उपाध्यक्ष विश्वदास लोखंडे, तालुकाध्यक्ष राम करा, उपाध्यक्ष मिलिंद भागवत, कोषाध्यक्ष प्रशांत मकवांना, एसआरके तायक्वांदो क्लबचे उपाध्यक्ष अमोल सावंत, सचिव शितल खामकर, कोषाध्यक्ष अंजली सावंत यांनी कौतुक केले आहे.
