(रायगड)
किल्ले रायगडच्या चित्तदरवाजाच्या पायथ्याजवळील पन्नास मीटर भागामध्ये मंगळवारी दुपारी तीनच्या सुमारास दरड कोसळली. यामुळे या ठिकाणी उभ्या असलेल्या काही गाड्यांचे नुकसान झाले. प्राथमिक माहितीनुसार यामध्ये कोणीही जखमी झाले नसल्याचे समजते.
या संदर्भात स्थानिक प्रशासनाकडून मिळालेल्या माहितीनुसार, चित्त दरवाजाच्या पायथ्याजवळील मार्गावर सुमारे ५० मीटर अंतरावर महाडच्या दिशेने दरड कोसळली. या ठिकाणी उभ्या असलेल्या काही गाड्यांचे बरेच नुकसान झाले आहे. तर समोरच असलेल्या काही दुकानांना देखील याचा फटका बसला आहे. तर तेथील एका दुकानाचे मोठे नुकसान झाले आहे. या संदर्भात स्थानिक प्रशासनामार्फत तातडीने पंचनामा व आवश्यक उपाययोजना करण्याचे आदेश निर्गमित केल्याची माहिती महाड प्रांत कार्यालयातून देण्यात आली आहे.
