(रत्नागिरी)
वाडिया पार्क क्रीडा संकुल, अहमदनगर येथे दिनांक २७ ते ३० डिसेंबर २०२२ या ४ दिवसीय कालावधीत, महाराष्ट्र राज्य कबड्डी असोसिएशनच्या होणाऱ्या राज्यस्तरीय कबड्डी स्पर्धेसाठी श्रमिक किसान सेवा समिती, रत्नागिरी या संस्थेचे लोकनेते शामरावजी पेजे कला, वाणिज्य व विज्ञान महाविद्यालय शिवार आंबेरे या महाविद्यालयाचे प्र. प्राचार्य श्री. राकेश ज. आंबेकर यांची पंच म्हणून निवड झाली आहे.
श्री. राकेश ज. आंबेकर यांना क्रीडा क्षेत्राची आवड आणि त्या क्षेत्रात प्रो – कबड्डी स्पर्धेत करियरचा उद्देश लक्षात घेता आपली खेळातील कला जोपासण्याचा ते सतत प्रयत्न करीत आहेत. या निवडीबद्दल संस्थेच्या व महाविद्यालयाच्या वतीने त्यांचे अभिनंदन आणि स्पर्धेसाठी शुभेच्छा देण्यात आल्या.
