(राजापूर)
राजापूर तालुक्यातील नाटे आंबेलरवाडीचे जेट्टीलगत खाजणात एका 40 वर्षीय तरुणाचा मृतदेह आढळला. पांडुरंग विश्वनाथ भांडे (पुंभवडे, आंबेलकरवाडी, ता. राजापूर) असे मृत्यू झालेल्या तरुणाचे नाव आहे.
पोलिसांनी दिलेल्या माहितीनुसार, पांडुरंग भांडे याला डोकेदुखीचा त्रास होता. त्याच्यावर मुंबई येथे उपचार सुरु होते. ते अविवाहित होते. 26 नोव्हेंबर रोजी हसनाडी देवगड, सिंधुदुर्ग येथील गावी आला होता. ते 27 नोव्हेंबर रोजी केस कापण्यासाठी घरातून गेले होते. मात्र घरी परत न आल्याने त्यांचा शोध घेण्यात आला. मात्र ते कुठेच दिसून आले नाहीत. 28 नोव्हेंबर रोजी सकाळी 10 वा. आंबेकरवाडी जेट्टीलगत असलेल्या खाजणात त्यांचा मृतदेह आढळून आला. याबाबत नाटे पोलीस स्थानकात आकस्मिक मृत्यूची नोंद करण्यात आली आहे.
