(पाचल / तुषार पाचलकर)
राष्ट्रपिता महात्मा गांधी यांच्या जयंती निमित्ताने “एक तारीख एक तास स्वच्छता” या मोहिमेंतर्गत राजापूर बस डेपो ते तालीम खाना चौक व तहसील कार्यालय राजापूर पर्यंत येणाऱ्या रस्त्याची साफसफाई तहसीलदार श्रीम शीतल जाधव यांच्या मार्गदर्शनाखाली व उपस्थितीत तहसीलदार कार्यालयातील कर्मचारी आणि नगरपालिका कर्मचारी सीओ यांच्यासमवेत करण्यात आली. तसेच रस्त्यावरील गवत, पालापाचोळा प्लास्टिक कचरा, रिकाम्या पाणी बॉटल गोळा करण्यात आल्या.
त्याचप्रमाणे संपूर्ण तालुक्यात तहसील कार्यालयासह, पंचायत समिती, पोलीस स्टेशन, नगर पंचायत, कॉलेज विद्यार्थी बचत गट महिला यांचे संयुक्त सहकार्याने स्वच्छता अभियान वेगवेगळ्या ठिकाणी राबविण्यात आले व संपूर्ण तालुक्यात स्वच्छता चळवळीचे रूप देण्यात आले.
