( साईशा / राजापूर )
राजापूर तालुक्यातील साने गुरुजी विद्यामंदिर जानशी प्रशालेच्या पालक-शिक्षक संघाच्या उपाध्यक्षपदी राजा काजवे यांची निवड करण्यात आली आहे. कै. प्रकाश भिकाजीराव चव्हाण सभागृह मध्ये पार पडलेल्या या सभेला व्यासपीठावर प्राचार्य बलवंत सुतार मागील कार्यकारिणीचे उपाध्यक्ष आणि पत्रकार राजेंद्र लाड सहशिक्षक पी. एस .कांबळे ,मोहिते सर आदी मान्यवर उपस्थित होते.
प्रशालेचे मुख्याध्यापक बलवंत सुतार यांच्या अध्यक्षतेखाली झालेल्या शिक्षक पालक संघाच्या सर्वसाधारण सभेमध्ये विविध समित्यांची आणि पदाधिकार्‍यांची निवड करण्यात आली.
सभेचे नियोजित कामकाज पार पाडतानाच सन 2022/23 आणि 2023/24 दोन वर्षांसाठी पालक-शिक्षक संघाच्या नूतन कार्यकारिणी सदस्यांची आणि पदाधिकाऱ्यांची उपस्थित पालकांमधून निवड करण्यात आली. अध्यक्षपदी मुख्याध्यापक आणि प्राचार्य बळवंत सुतार ,उपाध्यक्ष राजा काजवे, सहसचिव दिक्षा चव्हाण तर सदस्य म्हणून जान्हवी गावकर , सई जोशी , रोशनी खडपे, महेंद्र धनावडे ,सुजाता तांबे , संदीप कदम , मानसी साखरकर यांची निवड करण्यात आली तर मध्यान्न भोजन समितीच्या उपाध्यक्षपदी साक्षी जैतापकर यांची निवड करण्यात आली.
यावेळी परिवहन समिती व अन्य समितीचे पदाधिकाऱ्यांचीही निवड करण्यात आली या सभेत मुलांच्या शैक्षणिक प्रगतीबाबत उपाध्यक्ष राजा काजवे, साक्षी जैतापकर, राजन लाड यांनी मनोगत व्यक्त केले. कार्यक्रमाचे सूत्रसंचालन पी.एस. कांबळे यांनी तर आभार मोहिते यांनी मानले नवनिर्वाचित सर्व समित्यांच्या पदाधिकाऱ्यांचे प्रशालेचे मुख्याध्यापक आणि सर्व शिक्षक शिक्षकेतर कर्मचारी, पालक यांनी अभिनंदन केले आहे.
