राजापूरातील अपघातात भाटीमिर्‍या येथील तरुण जखमी

(राजापूर)

राजापूर ते रत्नागिरी सागरी महामार्गाने प्रवास करणार्‍या दुचाकीस्वाराचा गाडीवरील ताबा सुटल्याने ट्रकला जोरदार धडक दिली. या अपघातात दुचाकी चालक यश नार्वेकर (21, भाटीमिर्‍या, रत्नागिरी) हा तरुण जखमी झाला. ही घटना 13 एप्रिल रोजी घडली.

पोलिसांनी दिलेल्या माहितीनुसार, यश हा आपल्या ताब्यातील अ‍ॅक्सेस मोटरसायकल राजापूरच्या दिशेने जात असताना मोगरे येथे त्याचे गाडीवरील नियंत्रण सुटल्याने समोरुन येणार्‍या ट्रकला धडक दिली. यामध्ये त्याला किरकोळ दुखापत झाली.

याबाबतची फिर्याद पोलीस हवालदार संजय झगडे यांनी नाटे पोलीस स्थानकात दिली. त्यानुसार दुचाकीस्वारावर भादविकलम 279, 337, 338, मोटर वाहन कायदा कलम 194 नुसार गुन्हा दाखल करण्यात आला आहे.