राजापुरात ट्रक – कार अपघातात पती पत्नी जखमी

(राजापूर)

राजापुरात ट्रक कारवर कलंडून झालेल्या अपघातात पती – पत्नी जखमी झाले. हा अपघात मंगळवारी सकाळी मुंबई – गोवा महामार्गावरील राजापूर येथील हॉटेल गुरुमाऊलीसमोर झाला. पोलिसांनी दिलेल्या माहितीनुसार, सानिका पुजारी व संदीप पुजारी अशी जखमींची नावे आहे. त्यातील सानिका पुजारी या राजापूर कुणबी पतपेढीच्या कर्मचारी असून, त्या गंभीर जखमी झाल्या आहेत. तर पती संदीप हे किरकोळ जखमी झाले आहेत. या अपघाताबाबत पोलीस अधिक तपास करीत आहेत.